ବ୍ୟାଙ୍ଗକ୍ : ଡ୍ରାଗନ ଜୀବ କଥା ନିଶ୍ଚୟ ଶୁଣିଥିବେ ହେଲେ ଡ୍ରାଗନ ମନ୍ଦିର କଥା ଜାଣିଛନ୍ତି କି? ଥାଇଲାଣ୍ଡର ନାଖୋଁ ପାଥମ୍ ପ୍ରଦେଶରେ ରହିଛି ଏହି ଡ୍ରାଗନ୍ ମନ୍ଦିର । ୱାଟ୍ ସାମ୍ଫ୍ରାନ୍ ମନ୍ଦିରର ଏହି ସ୍ଥାପତ୍ୟ ଶୈଳୀ ଆଶ୍ଚର୍ଯ୍ୟ ଜନକ । ରାଜଧାନୀ ବ୍ୟାଙ୍ଗକକ୍ ଠାରୁ ୪୦ କି.ମି. ଦୂରରେ ନିର୍ମିତ ଏହି ୧୭ ମହଲା ବିଶିଷ୍ଟ ଏବଂ ଏହି ମନ୍ଦିରର ଉପରୁ ତଳ ଯାଏ ୮୦ ମିଟର ଲମ୍ବର ଏକ ବିଶାଳ ଡ୍ରାଗନ୍ ଗୁଡ଼େଇ ହୋଇ ରହିଛି। ଏଥି ସହିତ ମନ୍ଦିର ସାରା ଅସଂଖ୍ୟ ଡ୍ରାଗନ୍ ପ୍ରତିକୃତି ମଧ୍ୟ ଖୋଦେଇ କରାଯାଇଛି। ଏଥିପାଇଁ ମନ୍ଦିରଟି ଡ୍ରାଗନ୍ ମନ୍ଦିର ନାମରେ ସୁପରିଚିତ। ଏହି ମନ୍ଦିରଟି ତାହାର ଶାନ୍ତ ତଥା ମନମୁଗ୍ଧକର ସବୁଜ ପରିବେଶ ପାଇଁ ବିଖ୍ୟାତ, ଯାହା ଦେଶବିଦେଶର ଉଭୟ ଶ୍ରଦ୍ଧାଳୁ ଏବଂ ଉତ୍ସାହୀ ପର୍ଯ୍ୟଟକମାନଙ୍କୁ ଆକର୍ଷିତ କରିଥାଏ।
ଏହି ମନ୍ଦିରର ଭିତରଭାଗ ମଧ୍ୟ ଜଟିଳ କଳାକୃତି, ପ୍ରତିମୂର୍ତ୍ତି ଓ ଧାର୍ମିକ ନିର୍ମାଣରେ ପରିପୂର୍ଣ୍ଣ, ଯାହା ଥାଇଲାଣ୍ଡର ବୌଦ୍ଧ ସଂସ୍କୃତି ଓ ଇତିହାସ ସମ୍ପର୍କରେ ଅନ୍ତର୍ଦୃଷ୍ଟି ପ୍ରଦାନ କରିଥାଏ। ତଳେ ଥିବା ସହରର ଅବିସ୍ମରଣୀୟ ଦୃଶ୍ୟକୁ ଉପଭୋଗ କରିବା ପାଇଁ ଆଗନ୍ତୁକମାନେ ମନ୍ଦିରର ଶୀର୍ଷଯାଏ ଚଢ଼ିବାର ବ୍ୟବସ୍ଥା ରହିଛି। ଏହି ମନ୍ଦିର ଶୀର୍ଷରୁ ପର୍ଯ୍ୟଟକମାନେ ମନୋରମ ପ୍ରାକୃତିକ ଦୃଶ୍ୟ ସମେତ ସୁଦୂର ଭୂମିରୂପ ସବୁ ଅବଲୋକନ କରିପାରିବେ। ସାମ୍ଫ୍ରାନ୍ ଡ୍ରାଗନ୍ ମନ୍ଦିର ଥାଇଲାଣ୍ଡର ସମୃଦ୍ଧ ଇତିହାସ ଓ ଆଧ୍ୟାତ୍ମିକ ଭକ୍ତିର ପ୍ରତୀକ ଭାବରେ ଦଣ୍ଡାୟମାନ।
