ବ୍ରହ୍ମପୁର: ଆସ୍କାରେ ୫୦ ଶଯ୍ୟା ବିଶିଷ୍ଟ ଅକ୍ସିଜେନ୍ ସପୋର୍ଟ ସହ ଉତ୍ସର୍ଗୀକୃତ ୧୫୦ ଶଯ୍ୟା ବିଶିଷ୍ଟ କୋଭିଡ କେୟାର ସେଣ୍ଟର ଖୋଲା ଯାଇଛି। ଏହା ଏହି ଅଞ୍ଚଳରେ ସ୍ୱାସ୍ଥ୍ୟସେବା ଭିତ୍ତିଭୂମିକୁ ବୃଦ୍ଧି କରିବ ବୋଲି ସରକାରୀ ସୂତ୍ରରୁ ପ୍ରକାଶ।
କୁଷ୍ଠରୋଗୀ ହସ୍ପିଟାଲ ବିଲଡିଂରୁ ଏହି କୋଭିଡ କେୟାର ସେଣ୍ଟର କାର୍ଯ୍ୟକ୍ଷମ ହେଉଥିବା ବେଳେ କୋଭିଡ ରୋଗୀଙ୍କୁ ସମସ୍ତ ଆବଶ୍ୟକୀୟ ଯତ୍ନ ଏବଂ ସହାୟତା ଯୋଗାଇବା ଲାଗି ଟିମ୍ ପ୍ରସ୍ତୁତ ରହିଛି ବୋଲି ସୂତ୍ରରୁ ପ୍ରକାଶ।
ଏନେଇ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ କହିଛନ୍ତି ଯେ, ଆମେ ରୋଗୀଙ୍କୁ ସର୍ବୋତ୍ତମ ପ୍ରକାରର ସ୍ୱାସ୍ଥ୍ୟସେବା ଯୋଗାଇବାକୁ ଲକ୍ଷ୍ୟ ରଖିଛୁ। ଚିକିତ୍ସା ଉପରେ ଯେପରି ରୋଗୀ ସନ୍ତୁଷ୍ଟ ହେବେ, ସେଥିପ୍ରତି ଧ୍ୟାନ ଦିଆଯାଉଛି।
