ନୂଆଦିଲ୍ଲୀ: ୨୦୨୧ ମସିହା ନଭେମ୍ବର ୫ ତାରିଖରେ ରିଲିଜ୍ ହୋଇଥିବା ସୂର୍ଯ୍ୟବଂଶୀ ବକ୍ସ ଅଫିସରେ ଧମାଲ କରିଥିଲା । ଏହି ଫିଲ୍ମରେ ଅକ୍ଷୟ କୁମାର ଓ କ୍ୟାଟ୍ରିନା କୈଫଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଥିଲା । ଏହା ସହିତ ଫିଲ୍ମରେ ଥିବା ‘ମୋହରା’ ଫିଲ୍ମର ରିମେକ୍ ଗୀତ ‘ଟିପ୍ ଟିପ୍ ବର୍ଷା ପାନି’ ଗୀତରେ ଅକ୍ଷୟ କୁମାର ଓ କ୍ୟାଟ୍ରିନା କୈଫଙ୍କ ଡ୍ର୍ୟାନ୍ସକୁ ଦର୍ଶକ ବେଶ୍ ପସନ୍ଦ କରିଥିଲେ ।
ଏହାରି ଭିତରେ ପାକିସ୍ତାନରୁ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ପାକିସ୍ତାନର ସାଂସଦ ‘ଟିପ୍ ଟିପ୍ ବର୍ଷା ପାନି’ ଗୀତରେ ଜବରଦସ୍ତ ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ସେ କୌଣସି ଏକ ଉତ୍ସବରେ ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଯେଉଁଠି ନାଚି ନାଚି ମଞ୍ଚ ଦୁଲିକେଇ ଦେଲେ ସାଂସଦ। ସମସ୍ତଙ୍କ ଆଗରେ କଲେ ଜବରଦସ୍ତ ଡ୍ୟାନ୍ସ। ଏହି ପାକ୍ତିସ୍ତାନୀ ସାଂସଦଙ୍କ ନାମ ହେଲା ଆମିର ଲିୟାକତ ହୁସୈନ । ତାଙ୍କ ଡ୍ରାନ୍ସ ଦେଖି ଉତ୍ସବରେ ଉପସ୍ଥିତ ଥିବା ଲୋକମାନେ ଖୁବ ମଜା ନେଉଛନ୍ତି ।
ଆମିର ଲିୟାକତ ହୁସୈନ ପାକିସ୍ତାନର ଶାସକ ଦଳର ସାଂସଦ । ସେ ରାଷ୍ଟ୍ରୀୟ ସଭାରେ ଇମ୍ରାନ ଖାନଙ୍କ ନେତୃତ୍ୱାଧୀନ ପାକିସ୍ତାନ ତେହେରିକ-ଇ-ଇନସାଫ ପ୍ରତିନିଧିତ୍ୱ କରୁଛନ୍ତି । ପୂର୍ବରୁ ମଧ୍ୟ ସାଂସଦ ଆମିରଙ୍କ ନାଗିନ୍ ଡ୍ରାନ୍ସ ଭିଡିଓ ଭାଇରାଲ ହୋଇଥିଲା ।
ସାଂସଦଙ୍କ ଏହି ଡ୍ୟାନ୍ସ ଭିଡିଓ ତୈମୁର ଜମୁନ ନାମକ ଜଣେ ୟୁଜର ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି । ଏହି ଭିଡିଓରେ ପାକିସ୍ତାନୀ ସାଂସଦ ଲିୟାକତଙ୍କୁ ହ୍ୱାଇଟ୍ କୁର୍ତା ସାଙ୍ଗକୁ ବ୍ରାଉନ ନେହେରୁ ଜ୍ୟାକେଟ୍ ପିନ୍ଧିଥିବା ଦେଖିବାକୁ ମିଳିଛି ।
