ମୌସୁମୀ ବର୍ଷା ହିମାଚଳ ପ୍ରଦେଶରେ ବ୍ୟାପକ କ୍ଷୟକ୍ଷତି ଘଟାଇଛି। ବ୍ୟାସ ନଦୀ ଉଗ୍ର ରୂପ ଧାରଣ କରିଛି। କୁଲୁ ଜିଲ୍ଲାର ମନାଲିରେ ମଧ୍ୟ ବର୍ଷା ତାଣ୍ଡବ ରଚିଛି। ଅନେକ ଦୋକାନ ଭାସି ଯାଇଛି, ଘର ଭାଙ୍ଗି ପଡ଼ିଛି, ରାସ୍ତା ବନ୍ଦ ହୋଇଛି ଏବଂ ଘରବାଡ଼ି ଜଳମଗ୍ନ ହୋଇଛି। ଏହି ବିପର୍ଯ୍ୟୟରେ ମନାଲିର ପ୍ରସିଦ୍ଧ ଶେର-ଏ-ପଞ୍ଜାବ ରେଷ୍ଟୁରାଣ୍ଟ ମଧ୍ୟ ଆସିଛି।
ଏହି ଆଇକନିକ ରେଷ୍ଟୁରାଣ୍ଟର କେବଳ ଗେଟ ଭାଗ ବଞ୍ଚିଛି, ପଛ ଭାଗ ସମ୍ପୂର୍ଣ୍ଣ ବନ୍ୟାରେ ଭାସି ଯାଇଛି। ଶେର-ଏ-ପଞ୍ଜାବ ରେଷ୍ଟୁରାଣ୍ଟ ବ୍ୟାସ ନଦୀ କୂଳରେ ନିର୍ମିତ ହୋଇଥିଲା। ମନାଲି ବୁଲିବାକୁ ଆସୁଥିବା ପର୍ଯ୍ୟଟକଙ୍କ ମଧ୍ୟରେ ଏହା ବେଶ୍ ପ୍ରସିଦ୍ଧ ଥିଲା। କିନ୍ତୁ ଏଥର ମୌସୁମୀ ବିପର୍ଯ୍ୟୟରେ ଭାସି ଯାଇଛି । ଏହାର କେବଳ ଆଗ ଗେଟ୍ ହିଁ ବଞ୍ଚିଛି।
ଲଗାଣ ବର୍ଷା ହେତୁ ବ୍ୟାସ ନଦୀ ଉଛୁଳି ପଡ଼ିଛି। ସୋସିଆଲ ମିଡିଆରେ ସେୟାର ହେଉଥିବା ଭିଡିଓରେ ବନ୍ୟାର ବିନାଶକାରୀ ରୂପ ଦେଖାଯାଉଛି। ମଣ୍ଡିରେ ଡ୍ରୋନରୁ ନିଆଯାଇଥିବା ବ୍ୟାସ ନଦୀର ଚିତ୍ରରୁ ଜଣାପଡ଼ିଛି ଯେ ସହରରେ ଲଗାଣ ବର୍ଷା ପରେ ଜଳସ୍ତର ବଢ଼ୁଛି। ହିମାଚଳ ପ୍ରଦେଶରେ ଏଥର ମୌସୁମୀ ବର୍ଷା ବ୍ୟାପକ କ୍ଷୟକ୍ଷତି ଘଟାଇଛି। ଜୀବନ ଓ ସମ୍ପତ୍ତି ଉଭୟ କ୍ଷତି ହୋଇଛି।
