ନୂଆଦିଲ୍ଲୀ: ଦେଶରେ ଅନେକ ଲୋକ ଏବେ ବି ସେମାନଙ୍କର ଦ୍ବିତୀୟ ଡୋଜ କୋଭିଡ ଟିକାକରଣର କରିନାହାନ୍ତି। ଏହା ଭିତରେ ଏକ ଚହଳ ସୃଷ୍ଟି କଲା ଭଳି ଖବର ଶୁଣିବାକୁ ମିଳିଛି। ବିହାରର ଜଣେ ୮୪ ବର୍ଷ ବୟସ୍କ ବ୍ୟକ୍ତି ୧୧ଟି କୋଭିଡ ଟିକା ନେଇଥିବାର ଦାବି କରିଛନ୍ତି।
ବିହାର ମାଧେପୁରା ଜିଲ୍ଲାର ଓରାଇ ଗାଁର ବାସିନ୍ଦା ବ୍ରହ୍ମଦେବ ମଣ୍ଡଳ ୮୪ ଥର କରୋନା ଟିକା ନେଇଥିବା କହିଛନ୍ତି। ମାଧପୁରା ଜିଲ୍ଲାର ସିଭିଲ ସର୍ଜନ କହିଛନ୍ତି ଯେ ସେ କିପରି ଏତେ ମାତ୍ରାରେ ଡୋଜ ନେଇଛନ୍ତି ତାହା ଜାଣିବା ପାଇଁ ଏହାର ପୁଙ୍ଖାନୁପୁଙ୍ଖ ତଦନ୍ତ କରାଯିବ।
ଟିକା ତାଙ୍କ ଉପରେ ଭଲ ପ୍ରଭାବ ପକାଇଥିବାରୁ ସେ ୧୧ ଟି ଡୋଜ ନେଇଥିଲେ ବୋଲି ମଣ୍ଡଳ କହିଛନ୍ତି। “ମୁଁ ଟିକା ଦ୍ୱାରା ବହୁତ ଲାଭ ପାଇଛି। ଏହି କାରଣରୁ ମୁଁ ଏହାକୁ ବାରମ୍ବାର ନେଉଛି ବୋଲି ସେ କହିଛନ୍ତି।
ବ୍ୟକ୍ତି ଜଣକ ଡାକ ବିଭାଗର ଜଣେ ଅବସରପ୍ରାପ୍ତ କର୍ମଚାରୀ। ସେ କହିଛନ୍ତି ଯେ ସେ ଗତ ବର୍ଷ ଫେବୃଆରୀ ୧୩ ରେ ତାଙ୍କର ପ୍ରଥମ ଟିକା ନେଇଥିଲେ। ଫେବୃଆରୀ ୧୩ ରୁ ଡିସେମ୍ବର ୩୦ ମଧ୍ୟରେ, ସେ ଏକ ଜନସ୍ୱାସ୍ଥ୍ୟ କେନ୍ଦ୍ରରେ ୧୧ ଟି ଡୋଜ ନେଇଥିବା ଜଣାପଡ଼ିଛି।
ଟିକାକରଣ ପାଇଁ ସେ ସମସ୍ତଙ୍କୁ ନିବେଦନ କରି କହିଛନ୍ତି ଯେ ସରକାର ଏକ ଚମତ୍କାର ଜିନିଷ ତିଆରି କରିଛନ୍ତି। ସମସ୍ତେ ଟିକା ନେବା ଉଚିତ।
