ନୂଆଦିଲ୍ଲୀ: ବଲିଉଡ୍ ଅଭିନେତା ଅକ୍ଷୟ କୁମାରଙ୍କ ଆଗାମୀ ଫିଲ୍ମ ପୃଥ୍ବୀରାଜକୁ ଅଡୁଆ ବଢିବାରେ ଲାଗିଛି। ଚଳଚ୍ଚିତ୍ର ପୃଥୀରାଜର ଟାଇଟଲ୍ ପରିବର୍ତ୍ତନ ଦାବି କରି ନିର୍ମାତା ଯଶ ରାଜ ଫିଲ୍ମ ଏବଂ ଆଦିତ୍ୟ ଚୋପ୍ରାଙ୍କୁ କର୍ନି ସେନା ଚେତାବନୀ ଦେଇଛି।
ଏହି ଚଳଚ୍ଚିତ୍ର ସମ୍ରାଟ ପୃଥ୍ବୀରାଜ ଚୌହାନଙ୍କ ଜୀବନୀ ଉପରେ ଆଧାରିତ। କର୍ନି ସେନାର ୟୁଥ୍ ୱିଙ୍ଗର ସଭାପତି ଥିବା ଚଳଚ୍ଚିତ୍ର ନିର୍ମାତା ସୁରଜିତ ସିଂ ରାଠୋର ଇନଷ୍ଟାଗ୍ରାମରେ ଏକ ସମ୍ବାଦ ପ୍ରବନ୍ଧର ସ୍କ୍ରିନସଟ ସେୟାର କରି ତିନୋଟି ସର୍ତ୍ତ ରଖିଛନ୍ତି। ସେମାନଙ୍କର ଗୋଟିଏ ଦାବି ହେଉଛି ନିର୍ମାତାମାନେ ଚଳଚ୍ଚିତ୍ରର ଟାଇଟଲ୍ ପରିବର୍ତ୍ତନ କରନ୍ତୁ ।
କର୍ନି ସେନା ୟୁଥ୍ ୱିଙ୍ଗ୍ ସଭାପତି ନିର୍ମାତାମାନଙ୍କୁ ଚେତାବନୀ ଦେଇଛନ୍ତି ଯେ ଯଦି ସେମାନେ ସେମାନଙ୍କର ଦାବିକୁ ପାଳନ କରିବାରେ ବିଫଳ ହୁଅନ୍ତି, ତେବେ ସଂଜୟ ଲୀଲା ଭନସାଲୀଙ୍କ ପଦ୍ମାବତ ରିଲିଜ୍ ସମୟରେ ଯେଉଁ ସମସ୍ୟାରେ ସମ୍ମୁଖୀନ ହୋଇଥିଲେ ସେହିପରି ସେମାନଙ୍କୁ ‘ଅନୁକୂଳ ପରିଣାମ’ର ସମ୍ମୁଖୀନ ହେବାକୁ ପଡ଼ିବ।
