ନୂଆଦିଲ୍ଲୀ: ବର୍ଦ୍ଧିତ ସଂକ୍ରମଣକୁ ଦୃଷ୍ଟିରେ ରଖି ବିଭିନ୍ନ ଦେଶ ଭାରତକୁ ବିମାନସେବା ଉପରେ ପ୍ରତିବନ୍ଧକ ଲଗାଉଛନ୍ତି। ଆମେରିକା ମଧ୍ୟ ଭାରତୀୟଙ୍କ ଯାତ୍ରା ଉପରେ ପ୍ରତିବନ୍ଧକ ଲଗାଇଛି। ଏ ନେଇ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ଦ୍ବାରା ଘୋଷଣା କରାଯାଇଛି। ତେବେ ଏହି ପ୍ରତିବନ୍ଧକରୁ କେତେକ ବର୍ଗର ଛାତ୍ର, ଏକାଡେମିକ୍, ସାମ୍ବାଦିକ ବ୍ୟକ୍ତିବିଶେଷଙ୍କୁ ମୁକ୍ତ କରାଯାଇଛି ବୋଲି ଆମେରିକା ବୈଦେଶିକ ବିଭାଗ କହିଛି।
ଆସନ୍ତା ୪ ତାରିଖରୁ ଭାରତରୁ ଯାତ୍ରା ଉପରେ ପ୍ରତିବନ୍ଧକ ନେଇ ଆମେରିକା ପ୍ରଶାସନ ପକ୍ଷରୁ ଘୋଷଣା କରାଯାଇଛି।
ବୈଦେଶିକ ବିଭାଗ ଅନୁଯାୟୀ, ବ୍ରାଜିଲ, ଚୀନ୍, ଇରାନ କିମ୍ବା ଦକ୍ଷିଣ ଆଫ୍ରିକାର କେତେକ ବର୍ଗର ଯାତ୍ରୀଙ୍କ ପାଇଁ ଏହି ନିୟମ କୋହଳ କରାଯାଇଛି।
