ମୟୂରଭଞ୍ଜ: ମୟୂରଭଞ୍ଜ ଚିତ୍ରଡା ଫାଣ୍ଡି ନିକଟରେ ଅଘଟଣ। ଥାନା ନିକଟରୁ ରକ୍ତ ଜୁଡୁବୁଡୁ ଅବସ୍ଥାରେ ଜଣେ ମହିଳାଙ୍କୁ ଉଦ୍ଧାର କରିଛି ପୋଲିସ। ମହିଳାଙ୍କର ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ପ୍ରବଳ ରକ୍ତଶ୍ରାବ ହେଉଥିଲା।
ଫାଣ୍ଡି ଅଧିକାରୀ ସୁନ୍ଦର ମୋହନ ବାରିକ ଘଟଣା ସ୍ଥଳରେ ପହଁଚି ମହିଳାଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ କିଶାନତାଣ୍ଡି ହସ୍ପି ଟାଲକୁ ପଠାଇଛନ୍ତି। ରକ୍ତ ଜୁଡୁବୁଡୁ ଅବସ୍ଥାରେ ମହିଳା ଟିଆଁସି ଗାଁ ରୁ ପ୍ରାୟ ୫ କିଲୋମିଟର ରାସ୍ତା ଚାଲିଚାଲି ଆସି ଚିତ୍ରଡା ଫାଣ୍ଡି ପାଖ ରାସ୍ତାରେ ପଡିଯାଇଥିବା ସୂଚନା।
ଅସହାୟ ମହିଳା ଜଣକ ଟିଆଁସି ଲୋଧା ସାହିର ଝୁମୁରି ମଳିକ ବୋଲି ଜଣାପଡିଛି।ପାରିବାରିକ କଳହ ଯୋଗୁଁ ମହିଳାଙ୍କୁ ତାଙ୍କ ଶ୍ୱଶ୍ୱର ଘର ଲୋକ ଆକ୍ରମଣ କରିଥିବା ଖବର ପୋଲିସ ପାଇଛି।ମହିଳାଙ୍କୁ କାହିଁକି ଆକ୍ରମଣ କରାଗଲା ସେନେଇ ତଦନ୍ତ ଜାରି ରଖିଛି ପୋଲିସ ।
