ନୂଆଦିଲ୍ଲୀ : ରାଜ୍ୟର ସରକାରୀ ବିଦ୍ୟାଳୟରେ ନାପକିନ୍ ଭେଣ୍ଡିଂ ମେସିନ୍ ସ୍ଥାପନ କରିବା ପରେ ତାମିଲନାଡୁ ସରକାର ରାଜ୍ୟର ସମସ୍ତ ସରକାରୀ କଳା ଏବଂ ବିଜ୍ଞାନ ମହାବିଦ୍ୟାଳୟରେ ନାପକିନ୍ ଭେଣ୍ଡିଂ ମେସିନ୍ ସ୍ଥାପନ ପାଇଁ ଯୋଜନା ପ୍ରସ୍ତୁତ କରୁଛନ୍ତି। ଉଚ୍ଚଶିକ୍ଷା ବିଭାଗର ଅଧିକାରୀମାନେ କହିଛନ୍ତି ଯେ ବର୍ତ୍ତମାନ ରାଜ୍ୟରେ କେବଳ କିଛି ସରକାରୀ କଲେଜରେ ନାପକିନ୍ ଭେଣ୍ଡିଂ ମେସିନ୍ ଲାଗିଛି।
ଉଚ୍ଚଶିକ୍ଷା ବିଭାଗ ଦ୍ୱାରା କରାଯାଇଥିବା ଏକ ଅଧ୍ୟୟନ ଅନୁଯାୟୀ, ଋତୁସ୍ରାବ ଯୋଗୁଁ ରାଜ୍ୟର ଗ୍ରାମାଞ୍ଚଳରେ ଥିବା ସରକାରୀ କଲେଜଗୁଡ଼ିକରେ ଛାତ୍ରୀମାନଙ୍କର ଉପସ୍ଥାପନା ହ୍ରାସ ପାଇଛି । ଅଧ୍ୟୟନରୁ ଜଣାପଡିଛି ଯେ ଋତୁସ୍ରାବ ସମୟରେ ଯନ୍ତ୍ରଣା ଏବଂ ଅସୁବିଧା ହେତୁ ଅନେକ ଛାତ୍ରୀ କଲେଜ ଆସନ୍ତି ନାହିଁ। ଏହି କାରଣରୁ ସମସ୍ତ ସରକାରୀ କଲେଜରେ ନାପକିନ୍ ଭେଣ୍ଡିଂ ମେସିନ୍ ସ୍ଥାପନ ହେବାର ସମ୍ଭାବନା ଉପରେ ଉଚ୍ଚଶିକ୍ଷା ବିଭାଗ ବିଚାର କରୁଛି।
ନାପକିନ୍ ଭେଣ୍ଡିଂ ମେସିନ୍ ସ୍ଥାପନ ପାଇଁ ବିଭାଗ ଟେଣ୍ଡର ପ୍ରଦାନ କରିବ ଏବଂ ନୂତନ ଶିକ୍ଷାବର୍ଷ ଆରମ୍ଭ ପୂର୍ବରୁ ସ୍ଥାପନ କରାଯିବ। ଉଚ୍ଚଶିକ୍ଷା ବିଭାଗର ଜଣେ ବରିଷ୍ଠ ଅଧିକାରୀଙ୍କ ଅନୁଯାୟୀ କର୍ପୋରେଟ୍ ସାମାଜିକ ଦାୟିତ୍ୱବୋଧ (ସିଏସ୍ଆର) ମାଧ୍ୟମରେ ପାଣ୍ଠି ଖୋଜାଯିବ। ଛାତ୍ରୀ, ଶିକ୍ଷୟିତ୍ରୀ ଓ ମହିଳା କର୍ମଚାରୀଙ୍କ ସଂଖ୍ୟାକୁ ଆଧାର କରି ପ୍ରତ୍ୟେକ କଲେଜରେ ଭେଣ୍ଡିଂ ମେସିନ୍ ସ୍ଥାପନ କରାଯିବ।
