ଭୁବନେଶ୍ୱର: ଅନଲାଇନ୍ ସପିଂ କରୁଥିବା ଗ୍ରାହକଙ୍କ ପାଇଁ ବଡ଼ ଖୁସି ଖବର। ଇ-କମର୍ସ ପ୍ଲାଟଫର୍ମ ଫ୍ଲିପକାର୍ଟ ଏହାର ବର୍ଷର ସବୁଠୁ ବଡ଼ ସେଲ୍ Flipkart Big Billion Days Sale 2026ର ତାରିଖ ଘୋଷଣା କରିଛି। ଚଳିତବର୍ଷ ମୁଖ୍ୟ ସେଲ୍ ଅକ୍ଟୋବର ୯, ୨୦୨୬ରୁ ଆରମ୍ଭ ହେବ।
ଏହି ମେଗା ସେଲ୍ରେ ସ୍ମାର୍ଟଫୋନ୍, ଇଲେକ୍ଟ୍ରୋନିକ୍ସ, ଗ୍ୟାଜେଟ୍, ଫ୍ୟାଶନ୍, ହୋମ୍ ଆପ୍ଲାଏନ୍ସେସ୍ ସମେତ ବିଭିନ୍ନ ସାମଗ୍ରୀ ଉପରେ ବଡ଼ ଧରଣର ଡିସ୍କାଉଣ୍ଟ ଓ ଅଫର୍ ମିଳିବ। ପାର୍ବଣ ଋତୁ ପୂର୍ବରୁ ଏହି ସେଲ୍ ଗ୍ରାହକଙ୍କ ପାଇଁ ସପିଂରେ ସଞ୍ଚୟ କରିବାର ଏକ ବଡ଼ ସୁଯୋଗ ହୋଇପାରେ।
୮ ଅକ୍ଟୋବରରୁ ଅର୍ଲି ଆକ୍ସେସ୍
ଫ୍ଲିପକାର୍ଟର ଘୋଷଣା ଅନୁସାରେ, ସାଧାରଣ ଗ୍ରାହକଙ୍କ ପାଇଁ ସେଲ୍ ଅକ୍ଟୋବର ୯ରୁ ଆରମ୍ଭ ହେବ। ତେବେ କିଛି ଗ୍ରାହକଙ୍କୁ ଏହାର ୨୪ ଘଣ୍ଟା ପୂର୍ବରୁ ଆଗୁଆ ଆକ୍ସେସ୍ ମିଳିବ।
Flipkart Plus, Flipkart Black ଏବଂ ଫ୍ଲିପକାର୍ଟର କୋ-ବ୍ରାଣ୍ଡେଡ୍ କ୍ରେଡିଟ୍ କାର୍ଡଧାରୀ ଗ୍ରାହକମାନେ ଅକ୍ଟୋବର ୮ ରାତି ୧୨ଟାରୁ ସେଲ୍ରେ ସପିଂ କରିପାରିବେ। ସୀମିତ ଷ୍ଟକ୍ରେ ଥିବା ପ୍ରଡକ୍ଟ କିମ୍ବା ଅଧିକ ଡିସ୍କାଉଣ୍ଟ ଥିବା ଡିଲ୍ ଶୀଘ୍ର ଶେଷ ହୋଇଯିବାରୁ ଅର୍ଲି ଆକ୍ସେସ୍ ଗ୍ରାହକଙ୍କୁ ଏଥିରୁ ପୂର୍ବରୁ ସପିଂ କରିବାର ସୁଯୋଗ ଦେବ।
ସେପ୍ଟେମ୍ବର ୨୪ରୁ ଅର୍ଲି ବାର୍ଡ ଡିଲ୍
ମୁଖ୍ୟ ସେଲ୍ ଅକ୍ଟୋବର ୯ରୁ ଆରମ୍ଭ ହେବାକୁ ଥିବାବେଳେ ଫ୍ଲିପକାର୍ଟ ପୂର୍ବରୁ ହିଁ ସେପ୍ଟେମ୍ବର ୨୪ରୁ Early Bird Deals Store ଲାଇଭ୍ କରିଛି। ଏଥିରେ ସ୍ମାର୍ଟଫୋନ୍ ଓ ଅନ୍ୟାନ୍ୟ ଗ୍ୟାଜେଟ୍ ଉପରେ ମିଳିବାକୁ ଥିବା କିଛି ଅଫର୍ର ଝଲକ ଦିଆଯାଉଛି।
ପ୍ରାରମ୍ଭିକ ଡିଲ୍ରେ Realme P4s 5G, Oppo K14 Lite ଏବଂ Infinix Note Edge ଭଳି ସ୍ମାର୍ଟଫୋନ୍ ସାମିଲ ରହିଛି। ବିଭିନ୍ନ ବ୍ୟାଙ୍କ ଅଫର୍କୁ ମିଶାଇ ଏହି ଫୋନ୍ଗୁଡ଼ିକର ଆନୁମାନିକ ମୂଲ୍ୟ ୮,୯୯୯ ଟଙ୍କାରୁ ଆରମ୍ଭ ହେଉଥିବା ଜଣାପଡ଼ିଛି।
ଏହାଛଡ଼ା iPhone 17 ସମେତ ଅନ୍ୟାନ୍ୟ ପ୍ରିମିୟମ୍ ଓ ଫ୍ଲାଗ୍ସିପ୍ ସ୍ମାର୍ଟଫୋନ୍ରେ ମଧ୍ୟ ବଡ଼ ଡିସ୍କାଉଣ୍ଟର ସଙ୍କେତ ଦେଇଛି ଫ୍ଲିପକାର୍ଟ। ତେବେ ସମସ୍ତ ପ୍ରଡକ୍ଟର ଚୂଡ଼ାନ୍ତ ଦାମ, ଡିସ୍କାଉଣ୍ଟ ଓ ବ୍ୟାଙ୍କ ଅଫର୍ର ସମ୍ପୂର୍ଣ୍ଣ ତାଲିକା ପର୍ଯ୍ୟାୟକ୍ରମେ ପ୍ରକାଶ କରାଯିବ।
