ନୂଆଦିଲ୍ଲୀ: ଭାରତ-ବାଂଲାଦେଶ ସୀମାକୁ ଏବେ ମହୁମାଛି ଜଗିବେ । ଏ ନେଇ ମିଶନ ହନୀ ପ୍ରକଳ୍ପର ଆରମ୍ଭ କରାଯାଇଛି । ସୀମାନ୍ତ ଗ୍ରାମଗୁଡିକରେ ସାମଗ୍ରିକ ବିକାଶକୁ ପ୍ରୋତ୍ସାହିତ କରିବା ସହ ଅନୁପ୍ରବେଶ ଏବଂ ଚୋରା ଚାଲାଣକୁ ଏହା ମାଧ୍ୟମରେ ରୋକିହେବ । ସ୍ୱତନ୍ତ୍ର ଭାବେ ନିର୍ମିତ ମହୁମାଛି ବାକ୍ସଗୁଡିକ ସୀମା ବାଡରେ ଲଗାଯିବ । ଭାରତ-ବାଂଲାଦେଶ ସୀମାରେ ଘଂଚ ଜଙ୍ଗଲ ରହିଥିବାରୁ ମହୁମାଛିଙ୍କୁ ମହୁ ସଂଗ୍ରହ କରିବାରେ ଅସୁବିଧା ହେବନି । ଗ୍ରାମବାସୀମାନେ ବିଏସଏଫର ଏହି ଉଦ୍ୟମକୁ ଭୂୟସୀ ପ୍ରଶଂସା କରିଛନ୍ତି । ପ୍ରାରମ୍ଭିକ ପର୍ଯ୍ୟାୟରେ ଏହାର ସଫଳତାକୁ ଅନୁଧ୍ୟାନ କରିବା ପରେ ଅଧିକରୁ ଅଧିକ ଗ୍ରାମକୁ ଏହା ବିସ୍ତାର କରିବା ପାଇଁ ଯୋଜନା କରାଯାଇଛି । ଅନୁପ୍ରବେଶ ଭୁଲ ପଦକ୍ଷେପ ଗ୍ରହଣ କଲେ ସେମାନେ ମହୁମାଛିର ଶୀକାର ହେବେ ।
