ତିରୁବନନ୍ତପୁରମ: ମହୁମାଛିର ନାଁ ଶୁଣିଲେ ଅନେକ ଲୋକ ଥରିବା ଆରମ୍ଭ କରନ୍ତି | ଯେଉଁଠି ମହୁଫେଣା ଥାଏ ସେହି ଅଞ୍ଚଳକୁ ଯିବା ପାଇଁ କେହି ସାହସ ମଧ୍ୟ କରନ୍ତି ନାହିଁ | କିନ୍ତୁ କେରଳର ଜଣେ ଯୁବକଙ୍କ ମହୁମାଛି ପ୍ରତି ଥିବା ଭଲ ପାଇବା ଏବେ ଚର୍ଚ୍ଚାର ବିଷୟ ପାଲଟିଛି | ମହୁମାଛି ପ୍ରତି ଥିବା ତାଙ୍କ ଭଲ ପାଇବା ପାଇଁ ଏବେ ତାଙ୍କ ନାଁ ଗିନିଜ ୱାର୍ଲ୍ଡ ରେକର୍ଡରେ ସାମିଲ ହୋଇଛି | ସେ ମହୁମାଛିକୁ ନିଜ ସାଙ୍ଗ ଭଳି ଭାବୁଥିବା ବେଳେ ସେମାନଙ୍କୁ ଘଣ୍ଟା ଘଣ୍ଟା ଧରି ତାଙ୍କ ନିଜ ମୁହଁରେ ବସିବାକୁ ଦିଅନ୍ତି | ଗିନିଜ ୱାର୍ଲ୍ଡ ରେକର୍ଡ ଅନୁଯାୟୀ, ୨୪ ବର୍ଷୀୟ ଏମଏସ ଏହି ରେକର୍ଡ ହାସଲ କରିବା ପାଇଁ ଚାରି ଘଣ୍ଟା, ୧୦ ମିନିଟ୍ ଏବଂ ପାଞ୍ଚ ସେକେଣ୍ଡ ପର୍ଯ୍ୟନ୍ତ ମହୁମାଛିକୁ ନିଜ ମୁହଁ ଉପରେ ବସାଇଥିଲେ | ଭାଇରାଲ ହେଉଥିବା ଫଟୋରେ ଏମଏସଙ୍କ ମୁହଁରେ ହଜାର ହଜାର ମହୁମାଛି ବସିଥିବାର ଦେଖାଯାଇଛି |
