ବ୍ୟୁରୋ : ପେଟିଏମକୁ ବଡ ଝଟକା ଦେଲେ ଆରବିଆଇ। ଆସନ୍ତା ଫେବୃୟାରୀ ୨୯ ତାରିଖ ପରଠାରୁ ଏଟିଏମ କୌଣସି ଗ୍ରାହକଙ୍କଠାରୁ ଜମା ସଂଗ୍ରହ କରି ପାରିବ ନାହିଁ। ଏହା ସହ କୌଣସି ରୁଣ କାରବାର ମଧ୍ୟ କରିପାରିବ ନାହିଁ। କୌଣସି ଟପ୍-ଅପ୍ ସୁବିଧା ବି ଦେଇପାରିବ ନାହିଁ। ୱାଲେଟ୍ ଓ ଫାସ୍ଟ୍ୟାଗ୍ ଭଳି ଲିଙ୍କ୍ ହୋଇଥିବା ପ୍ରିପେଡ୍ ଇନଷ୍ଟ୍ରୁମେଣ୍ଟରେ କାରବାର କରିପାରିବନି।
ଏବେ ଏନେଇ ଗ୍ରାହକଙ୍କୁ ଆଶ୍ବସ୍ତି କରାଇବା ପରି ଏକ ସୂଚନା ଦେଇଛି ପେଟିଏମ୍। କମ୍ପାନି କହିଛି ଯେ ଭାରତୀୟ ରିଜର୍ଭ ବ୍ୟାଙ୍କଙ୍କ ନିର୍ଦ୍ଦେଶ ବ୍ୟବହାରକାରୀଙ୍କ ସେଭିଂ ଆକାଉଣ୍ଟ୍,ୱାଲେଟ୍, ଫାଷ୍ଟାଗ୍, ଏନ୍ସିଏମ୍ସି ଆକାଉଣ୍ଟ୍କୁ ପ୍ରଭାବିତ କରିପାରିବ ନାହିଁ।
ଅନ୍ୟପକ୍ଷରେ ଗ୍ରାହକମାନେ ସେମାନଙ୍କ ସଞ୍ଚୟ ଓ ଚଳନ୍ତି ଖାତାରେ ଥିବା ବାଲାନ୍ସକୁ ନିର୍ଧାରିତ ସୀମା ପର୍ଯ୍ୟନ୍ତ ବ୍ୟବହାର କରିପାରିବେ ବୋଲି ରିଜର୍ଭ ବ୍ୟାଙ୍କ ମଧ୍ୟ ସ୍ପଷ୍ଟ କରିଛନ୍ତି। ପେଟିଏମ୍କୁ ସ୍ଥାପନ କରିଥିବା ସଂସ୍ଥା ୱାନ୍୯୭ କମ୍ୟୁନିକେସନ୍ସ ଲିମିଟେଡ୍ ଓ ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଲିମିଟେଡ୍ର ନୋଡାଲ୍ ଆକାଉଣ୍ଟକୁ ରିଜର୍ଭ ବ୍ୟାଙ୍କ ରଦ୍ଦ କରିଛନ୍ତି।
ରିଜର୍ଭ ବ୍ୟାଙ୍କ ଜଣାଇଛନ୍ତି ଯେ ନିୟମକୁ ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଠିକ୍ ଭାବେ ପାଳନ କରୁନଥିଲା। ନିୟମିତ ତ୍ରୁଟି ରହୁଥିଲା। ବାହ୍ୟ ସଂସ୍ଥା ଜରିଆରେ ବ୍ୟାଙ୍କ ବ୍ୟବସ୍ଥାର ବ୍ୟାପକ ଅଡିଟ୍ କରାଯିବା ପରେ ଏଭଳି ସମସ୍ୟା ସାମ୍ନାକୁ ଆସିଥିଲା। ସେଥିପାଇଁ ପେଟିଏମ୍ ପେମେଣ୍ଟ୍ସ ବ୍ୟାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇଛି।
