ବଡବିଲ: କେନ୍ଦୁଝର ଜିଲ୍ଲା ବଡବିଲ ସହରକୁ ଚତୁଃପାର୍ଶ୍ଵରୁ ଚେକ୍ ଦେଇଛି ପୋଲିସ। ପ୍ରତ୍ୟେକ ଗାଡିକୁ ଟିକିନିଖ ଭାବେ ଚେକିଂ କରୁଛି । ସମସ୍ତଙ୍କୁ ସ୍କ୍ରିନଂ ଟେଷ୍ଟ ମଧ୍ୟ କରାଯାଉଛି। ତିନିଦିନ ମଧ୍ୟରେ ବଡବିଲ ରୁ 58 ଟି ପଜିଟିଭ କେସ୍ ସାମ୍ନାକୁ ଆସିଥିବାବେଳେ ସମସ୍ତ କେସ୍ ଲୋକାଲ ଅଞ୍ଚଳର। ଏହାକୁ ଦୃଷ୍ଟିରେ ରଖି ସାତଦିନିଆ ବଡବିଲ ସଟ୍ ଡାଉନ୍ ଘୋଷଣା କରିଛନ୍ତି ଜିଲ୍ଲା ପ୍ରଶାସନ। ସେହିପରି ସଂକ୍ରମଣ ପାରଦକୁ ନିମ୍ନଗାମୀ କରିବା ପାଇଁ ବଡବିଲ ପ୍ରଶାସନ ତତ୍ପର ହୋଇଉଠିଛି। ପ୍ରତ୍ୟେକ ଗଳିକନ୍ଦିରେ ବୁଲି ଅମାନିଆ କୁ ସାବାଡ କରୁଛନ୍ତି ପୋଲିସ। ସାବାଡ କରିବା ସହ ସମସ୍ତ ପ୍ରବେଶ ପଥରେ ଚେକିଂ ମଧ୍ୟ କରୁଛନ୍ତି। ପ୍ରଶାସନ ର ଏପରି ପ୍ରୟାସ କୁ ବିଭିନ୍ନ ମହଲରେ ପ୍ରସଂଶା କରୁଥିବାବେଳେ ଏପରି କାର୍ଯ୍ୟ ଦ୍ୱାରା ସଂକ୍ରମଣ ଖୁବ୍ ଶୀଘ୍ର ନିୟନ୍ତ୍ରଣ କରାଯାଇ ପାରିବ ବୋଲି କୁହାଯାଉଛି ।
