ଜମ୍ମୁକାଶ୍ମୀରରେ ଜଣେ ଆତଙ୍କବାଦୀ ନିପାତ। ଦୁଇ ଯବାନ ସହିଦ, ୧୦ ଗୁରୁତର । ଅପରେସନ୍ ଅଖଲ ନବମ ଦିନରେ ପହଞ୍ଚିଛି। ଗତକାଲି ରାତିରେ ସେନା ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଘନ ଜଙ୍ଗଲ ଭିତରେ ଏକାଧିକ ଆତଙ୍କବାଦୀ ଏବେ ବି ଲୁଚି ରହିଥିବା ସୂଚନା ମିଳିଛି।
୧ ଅଗଷ୍ଟ ୨୦୨୫ରୁ ଆରମ୍ଭ ହୋଇଥିବା ଏହି ଏନକାଉଣ୍ଟରରେ ଭାରତୀୟ ସେନାର ଦୁଇ ଜଣ ଯବାନ ସହିଦ ହୋଇଛନ୍ତି। ଅଖଲର ଜଙ୍ଗଲରେ ଘେରାବନ୍ଦୀ କରି ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା । ଏଯାଏ ଏହି ଅପରେସନରେ ୫ରୁ ଅଧିକ ଆତଙ୍କବାଦୀ ନିହତ ହୋଇଛନ୍ତି। ସେନାର ସୂଚନା ଅନୁଯାୟୀ, ଅତି କମରେ ତିନି ଆତଙ୍କବାଦୀ ଏବେ ବି ଏହି ଘନ ଜଙ୍ଗଲରେ ଲୁଚି ରହିଛନ୍ତି।
