ନୂଆଦିଲ୍ଲୀ: ସୂଚନା ଅନୁଯାୟୀ ପ୍ରଭାସଙ୍କ ଅଭିନୀତ ଆଗାମୀ ଚଳଚ୍ଚିତ୍ର ଆଦିପୁରୁଷ ପାଇଁ ସୀତା ଏବଂ ଲକ୍ଷ୍ମଣଙ୍କ ଭୂମିକା ନିର୍ଣ୍ଣୟ ହୋଇସାରିଛି। ପ୍ରଭାସ କ୍ରିତି ସାନନ ଏବଂ ସନ୍ନି ସିଂଙ୍କୁ ତାଙ୍କ ଆଗାମୀ ଚଳଚ୍ଚିତ୍ର ଆଦିପୁରୁଷ ଦଳକୁ ସ୍ୱାଗତ କରିଛନ୍ତି।
କ୍ରିତି ସୀତା ଭୂମିକାରେ ଅଭିନୟ କରୁଥିବାବେଳେ ସନ୍ନିଙ୍କୁ ଲକ୍ଷ୍ମଣଙ୍କ ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିବ। ଓମ୍ ରାଉତଙ୍କ ନିର୍ଦ୍ଦେଶିତ ଚଳଚ୍ଚିତ୍ରରେ ପ୍ରଭାସ ପ୍ରଭୁ ରାମଙ୍କ ମୁଖ୍ୟ ଭୂମିକାରେ ନଜର ଆସିବେ ଏବଂ ସୈଫ ଅଲି ଖାନ ରାବଣ ଭୂମିକାରେ ଅଭିନୟ କରୁଛନ୍ତି।
ଏହାସହିତ କ୍ରିତି ସାନନ୍ ପ୍ରଭାସ ଏବଂ ସୈଫ ଅଲି ଖାନଙ୍କ ଆଦିପୁରୁଷର ଅଂଶ ହୋଇଥିବରୁ ବେଶ୍ ଉତ୍ସାହିତ ଥିବା ଜଣାପଡ଼ିଛି। ଏହି ଫଟୋ ସେୟାର କରିବା ପାଇଁ ଅଭିନେତ୍ରୀ ସୋସିଆଲ ମିଡିଆରେ ମଧ୍ୟ ଉଲ୍ଲେଖ କରିଛନ୍ତି ଯେ ସେ ଆଦିପୁରୁଷ ପରିବାରରେ ଯୋଗ ଦେଇଥିବାରୁ ସେ ଗର୍ବିତ।
